Við fengu fyrstu lömbin um helgina tvo sæta hvíta hrúta úr sæðingunni. 

Kveikja kom með tvo hrúta þetta árið

Það er komið heilmikið vor í loftið með fuglasöng og blíðu, brum farið að sjást á trjánum og rjúpan gerir sig heimakomna í skóginum eins og undanfarin ár.


Rjúpan á vappi í klettunum fyrir utan bústaðinn

Við héldum áfram vinnu í skemmunni á laugardaginn, tengdum vatnið og er hleyptum hita á einn ofn í vinnuaðstöðunni og lögðum affallið frá honum í brynningu fyrir hrossin.


Hrossin voru mjög ánægð með þessa bláu tunnu þurftu mikið að skoða hana og sulla í vatninu

Nonni fór til Trausta og Stínu með tætarann og tætti smá bleðil sem Trausti ætlar að nota sem vermireit fyrir trjáræktina.

 

Trausti valdi raka laut á móti suðri til að búa til vermireit

Á sunnudeginum saumaði Holla rennilása í tvær peysur sem hún ætlar að henda við á Skeiðvöllum ásamt nokkrum taumum sem hún fléttaði í vikunni en Nonni dundaði áfram í skemmunni.
Nú fer að styttast í fæðingarorlof hjá frúnni - mikil tilhlökkun að eyða næstu 2 vikum í fjárhúsinu.