Í morgun fórum við með hana Eldingu okkar sem er á fjórða vetri í forskoðun kynbótahrossa hjá hrossaræktarfélagi Andvara, dómari var Kristinn Hugason.

Skemmst er frá að segja að hún náði 2. verðlaunum í byggingareinkun með 7,83 og við erum hæstánægð með árangurinn.

Elding mældist 140 cm há á herðar og 138 cm á lend, hér eru svo einkunnir hennar:

 

Hross:	Elding frá Mið-Setbergi
	Eiginleiki	Vægi	Einkunn	Stig	Sköpulagseink.
	Höfuð	3,0%	7,5	0,2250	0,56250
	Háls/herðar/bógar	10,0%	7,0	0,7000	1,75000
	Bak og lend	3,0%	8,0	0,2400	0,60000
	Samræmi	7,5%	8,0	0,6000	1,50000
	Fótagerð	6,0%	8,5	0,5100	1,27500
	Réttleiki	3,0%	8,0	0,2400	0,60000
	Hófar	6,0%	8,5	0,5100	1,27500
	Prúðleiki	1,5%	7,0	0,1050	0,26250
	Alls	40,0%		3,13	7,83

 

VIð höfðum áður beðið Magnús Lárusson um að að gefa okkur hugmynd um sköpulagseinkunn þegar Elding var hjá honum á þriðja vetri og að hans mati var hún með háls upp á 8 - 8,5 þannig að hún gæti hæglega hækkað upp í fyrstu verðlaun ef sú verður raunin, eins á hún klárlega inni 7,5 - 8 fyrir prúðleika en henni tókst í vetur að rífa af sér mestallt faxið. Til að fara yfir 8 í einkunn þarf hún að fá amk 8 fyrir háls og nái hún 8,5 fengi hún 8,20 fyrir byggingu - nú er ekki spurning að hún fer í dóm í ár!  Tamningin á henni hefur gengið ótrúlega vel á undanförnum dögum, hún er farin að treysta okkur vel og er pollróleg á meðan henni er kembt og hún var járnuð án nokkurra vandamála.

Hægar gengur hinsvegar með tamninguna á Loga sem enn á erfitt með að treysta manni og er hræddur við allt. Hér fyrir neðan er video af þeim Eldingu og Loga.