Í kvöld fórum við með Eldingu í hringgerðið og byrjuðum á Monty Roberts Join-Up og svo Follow-Up í kjölfarið. Hún er orðin skóluð í því þannig að það tók ekki nema nokkrar mínútur.
Næst settum við hnakkinn á hana í fyrsta skipti eftir að við tókum hana í bæinn og lónseruðum hana nokkra hringi og leyfðum henni að skvetta sér aðeins með hnakkinn, þá settum við á hana langan tvítaum og rákum hana nokkra hringi og kenndum henni að svara tauminum til hægri og vinstri - það tók hana ekki nema nokkur skipti að ná því. Næst létum við hana bakka nokkur skref undan þrýstingi frá taumunum, allt eftir bókinni. Svo fór Holla hálf upp í hnakkinn og þannig teymdi ég hana einn eða tvo hringi.
Næst settist hún í hnakkinn og fór nokkra hringi, svo prófaði hún að beygja í báðar áttir - NO PROBLEMO, nú er gaman!  Skvísurnar Elding og Holla í fyrsta skipti á baki
Þá var röðin komin að Loga, Holla prófaði Join-Up og eftir nokkrar mínútur elti hann hana eins og hundur og þetta er í fyrsta skipti sem hún prófar Join-Up - Monty sé lof !!! Hér er myndband með Monty þar sem hann sýnir Join-Up (10 mínútur á lengd)
|
Mið-Setberg ræktunarbú > Dagbók >