Við fórum austur á föstudagskvöld, með í för var Jón Pétur vinur Péturs sem var með okkur yfir helgina.

Holla var í letikasti alla helgina, dúllaði sér við bollubakstur og jú púslaði eins og óð væri og skellti læri í ofninn á laugardagskvöldinu sem rann létt ofan í þessa þrjá risa karla.

 

Holla kláraði hestapúslið, nú fer að verða hægt að fara að snúa sér að alvöru lífsins

 

Nonni kom múrarapressunni í lag og við fengum fínni sand í sandblástursgræjuna og viti menn nú blés hún og hvæsti eins og hún ætti lífið að leysa - ryðblettirnir á bensanum voru henni ekki mikil fyrirstaða.

Á sunnudeginum unnu Pétur og Jón Pétur áfram í að undirbúa bensann fyrir sprautun, nú er að verða spennandi að koma honum aftur á götuna.

Nonni fékk í vikunni restina af varahlutunum í glussadæluna í massann og var hún sett í um helgina - vonandi svínvirkar hún þegar hún verður prófuð seinna í vetur.

 

Þeir eru miklir vinir Abel sem er 12 vetra og folaldið hennar Bibbu, hlaupa um alla móa og leika sér - Stóðið bíður, kanski þau fái kúlur að gæða sér á

 

Garpur og Kerra fengu bíltúr yfir í hesthúsið í Flagveltu þar sem Eiður kom og skóaði þau upp fyrir veturinn, nú er stefnt á að taka hross í bæinn um næstu helgi.

Við vorum sein af stað á sunnudagskvöldinu í hreint hundleiðinlegu veðri, roki og kulda - halda mætti halda að vetur konungur væri kominn.